Una coa de chida de eventos in provìntzia de Aristanis

Novas Aristanesas, chenàbura 7 de austu de su 2026

Una coa de chida de eventos in provìntzia de Aristanis – Intre mùsica, dantza, traditziones populares e sagras dedicadas a sos màndigos tìpicos, sunt meda sos addòbios in provìntzia de Aristanis programmados pro sa coa de chida.

Sighit sa rassigna “I Giganti dell’Arte” de sa Fundatzione Mont’ ‘e Prama in s’àrea archeològica de Tharros. Custu sero cun “Rhythm of the Dance”, s’ispetàculu de sa National Dance Company of Ireland, sunt suta sos rifletores sa traditzione de sa dantza e de sa mùsica irlandesa. Cras sero b’ant a èssere sos Dire Straits Legacy, cun musitzistas e collaboradores collegados a s’istòria de su grupu britànnicu famosu. In su tzentru istòricu de Crabas, poi, pro s’Istiu Crabarissu cras b’at a èssere Calici di stelle e domìniga un’eventu literàriu dedicadu a Michela Mùrgia.

In provìntzia sighit finas su fèstival Dromos cun eventos noos. Custu sero in Pompu, in pratza Cavour, duos cuntzertos: in antis cussu cun Aska Maret Kaneko, Bebo Ferra e Carlos “El Tero” Buschini e poi s’ispetàculu de Magalí Sare e Manel Fortià. Cras in Masuddas, in su Giardinu Botànicu de Monte Arci, su cuntzertu de Simona Molinari e Raphael Gualazzi, e domìniga su Rokia Traoré.

Traditzione, allegria e promotzione de su territòriu cras in Solanas cun sa de 6 editziones de “C’è Pasta per Te” in su parcu de su tzentru sotziale. Semper cras Marrùbiu òspitat sa de 4 editziones de sa Sagra de su Culurgione Marrubiesu – “Su Cruguxioni de Arrascottu”.

Bona mùsica e allegria custu sero in Silì cun sa “Summer Beer 2026”; cras Abbasanta est pronta a ospitare su carrasegare de istiu e domìniga in pratza Europa in Ollasta torrat “Ollastra in Mirto”.

In ùrtimu, custu sero in su giardinu de su Museu Diotzesanu Arborense de Aristanis sighit sa rassigna “Racconti d’estate” cun su film “Raya e l’ultimo drago” e in su Foro Boàriu pro “Luci d’estate” b’at un’eventu nou de Studio di studi.

Gianfranca Piras

Faina fata cun s’agiudu de sa Regione Sardigna – IMPRENTAS 2025-2026 – L.R. 22/2018, art. 22.