Una coa de chida de eventos in provìntzia de Aristanis

Novas Aristanesas, chenàbura 24 de trìulas de su 2026

Una coa de chida de eventos in provìntzia de Aristanis – Una coa de chida dedicada a sas traditziones, a sos sabores locales e a sa cultura in provìntzia de Aristanis.

In Sipicia cras torrat unu de sos apuntamentos prus isetados de istiu: sa de 13 editziones de sa Sagra de sa polpetta; in pratza Garibaldi un’itineràriu gastronòmicu, ispetàculos de mùsica e momentos de recreu pro totus. Seranu dedicadu a sos sabores finas in Masuddas, cun pratza Sepulveda chi òspitat sa de 8 editziones de sa Sagra de su porcheddu arrustidu, cun màndigos tìpicos, mùsica e ballu sardu.

Domìniga at a tocare a Cùglieri: su tzentru istòricu òspitat “Panadas 2026 – Storia, tradizione e identità nel cibo e nell’arte”. Sa panada, sìmbulu de sa coghina isulana, at a èssere protagonista de un’itineràriu eno-gastronòmicu peri sas carreras e pratzas de sa bidda, fatu prus interessante gràtzias a ispetàculos, escursiones e bìsitas acumpangiadas pro connòschere su patrimòniu culturale de su Montiferru.

Campu finas a su tzìnema cun “Corti senza circuito” in Siris. Domìniga sero, in pratza Santu Pissente, comintzat sa rassigna dedicada a sos cortometràgios de autore.

In Crabas sighint sos apuntamentos de istiu: sàbatu in Santu Giuanne de Sinis b’est su cuntzertu “Morricone dirige Morricone”, cun Andrea Morricone chi dirigit sas mùsicas de su grandu cumponidore, e sàbadu e domìniga in pratza Istagnu si faghet sa Sagra de su pische pòberu.

In Aristanis pro “Luci d’Estate” custu sero comintzat sa Wine Street Experience Sardegna e b’est sa projetzione de “Philomena” in su Tzentru de Servìtzios Culturales paris cun Dromos Fèstival, e cras festa manna in Porta Nuova chi festat sos 30 annos de atividade.

In Marrùbiu, in sa bidditzola de Sant’Anna, sighit sa festa patronale cun ballos in pratza e apuntamentos organizados dae su comitadu e dae s’Auser.

In ùrtimu, sàbadu in Busache comintzat dae Collègiu sa segunda editzione de “Cantos in Sardigna”, dedicada a Gràssia Deledda, a incuru de su coro Sa Pintadera.

Gianfranca Piras

Faina fata cun s’agiudu de sa Regione Sardigna – IMPRENTAS 2025-2026 – L.R. 22/2018, art. 22.