Unu programma de eventos ricu meda in sa coa de chida de sa provìntzia

Novas Aristanesas, chenàbura 22 de maju de su 2026

Unu programma de eventos ricu meda in sa coa de chida de sa provìntzia – Una coa de chida intre cultura, isport e natura in provìntzia de Aristanis. Monumentos Abertos custa borta faghet iscobèrrere a sos bisitadores Marrùbiu e Bosa, cun sos pitzinnos iscola e sas realidades locales. In su matessi momentu, b’est finas su Bosa Wine Festival 2026.

In Nurachi, in Cantina Caddeo, s’isetat s’istiu cun un’apuntamentu nou de CantinArte in programma pro cras sero.

Crabas est in festa pro sa patrona Santa Maria Assunta. Sa fide andat paris cun sa mùsica: in su palcu cras sero Chris Slade, chi est istadu baterista istòricu de sos AC/DC. A pustis, sa rock band sarda de sos Ympossibili. Domìniga Fantasias De Ballos e a pustis Nostalgia 90.

Custu sero, imbetzes, in Cantinas Còntini su giornalista e iscritore Anthony Muroni at a presentare su romanzu suo “La firma del re”.

Festa finas a domìniga finas in Mòguru pro Santu Bernardinu. Intre fede e traditzione, finas sos ritos tziviles: custu sero s’ispetàculu “90/2000 is magic” e Dj Lauretta; cras sa presentada de su libru “Elianora de Arbaree in Mòguru”, s’ispetàculu “Old Circus – giocoleria, clownerie e cabaret” de sa cumpangia Antico Baule e in ùrtimu su cuntzertu “Mogoresus – Boxis e Sonus de Bidda” e su dj set cun Dj Palitrottu.

In Aristanis, in sa zona istòrica, oe sos alunnos de sas iscolas onorant a Carlo Collodi cun s’initziativa “C’era una volta un burattino”; in sa Pinacoteca custu sero si presentat sa rivista de sa Biennale de Venezia nùmeru 1/2026, “Alfabeti / Alphabets”, e in Archìviu comunale b’est su primu atopu de “Primavera in archivio”. Cras mangianu, imbetzes, in Turre Manna comintzat sa de 6 editziones de sa die ecològica e in intro de bidda b’est s’initziativa “Una Camminata di Salute” pro su Fèstival de s’Isvilupu Sustenìbile. A sero, in su Teatru Garau, sa de 10 editziones de su Fèstival – Cuncursu natzionale “Cantos e Ammentos”. In ùrtimu, domìniga si faghet sa tziclu-pedalada ecològica “PedaliAmo 2026”.

Gianfranca Piras

Faina fata cun s’agiudu de sa Regione Sardigna – IMPRENTAS 2025-2026 – L.R. 22/2018, art. 22.