Isport, cultura e traditzione: sa coa de chida in provìntzia de Aristanis

Novas Aristanesas, chenàbura 10 de abrile de su 2026

Isport, cultura e traditzione: sa coa de chida in provìntzia de Aristanis – Una coa de chida prena, in provìntzia de Aristanis. Arriora torrat suta sos ogros de su motocross mundiale: cras e domìniga su tzircùitu “Le Dune” at a ospitare su Gran Premio della Sardegna 2026.

In Santeru, cras comintzat sa manifestatzione ecuestre “Sa Cursa de sa Lòriga”, imbetzes in su fine de chida sas domos de su tzentru istòricu de Fordongianus ant a èssere abertas pro sa duas dies de “Mestieri, Passioni e Sapori a… Forum”, dedicada a su turismu pràticu chi ponet in evidèntzia su patrimòniu culturale, artesanale e eno-gastronòmicu locale.

Su fèstival “Radici” in Norghiddo comintzat sa parte prus importante, proponende dae cras una coa de chida intre istòria, libros e traditzione. In sos eventos prus importantes, domìniga mangianu in pratza de su Pòpulu s’at a fàghere s’isfilada “A spasso nel medioevo con pranzo alla taverna della croce templare”.

Custu sero s’assòtziu ANS òspitat in su Monte Granàticu de Tzeddiani “Is annos chi aiant avolotadu sa Sardigna. Su contu de sa Sarda Rivolutzione”, cun s’istòricu Omar Onnis e sa mùsica de Francesco Medda Arrogalla.

Dae sa pedra de Sune a s’isciareu de Frussio: cras sero pro su progetu “Iscra – Flotta culturale del Mediterraneo” mustras, atopos e arte partetzipada in s’iscola elementare betza de Sune.

Comintzat sa sèrie de atopos “Voci nel tempo | Talk e incontri per la mostra Tharros. Time Upon Time” custu sero in su Museu Diotzesanu Arborense de Aristanis paris cun sa Fundatzione Mont’e Prama.

Mùsica e arte in su teatru Garau cras sero pro sa de 3 editziones de “Ricordando Chiara” dedicada a sa memòria de Chiara Carta, tres annos a pustis de sa morte.

Semper cras sero, in sa sala de ispetàculos de su Tzentru Studiodanza si rapresentat “I soli in una stanza”, òpera istravagante chi aunit chimbe cumpangias teatrales e in mesu de custas sa cumpangia chi òspitat, Kainothomia delle Ombre.
Traditzione, fide e ballos sardos in Bilartzi chi domìniga festat a Santu Sidore.

Gianfranca Piras

Faina fata cun s’agiudu de sa Regione Sardigna – IMPRENTAS 2025-2026 – L.R. 22/2018, art. 22.