Eventos meda pro sa coa de chida in provìntzia de Aristanis

Novas Aristanesas, chenàbura 23 de ghennàrgiu de su 2026

In Ollasta cras sero in pratza Santu Sebastianu comintzat sa de 35 editziones de sa Sagra de sa faa e de su fasolu tundu e s’ispetàculu folk de Massimo Pitzalis.

In Aristanis, custu sero in sa Sala San Pio X de su Museu Diotzesanu, pro “I Pomeriggi del Romanico” a incuru de s’assòtziu Itinera Romanica – Amici del Romanico su primu apuntamentu “Le launeddas sarde tra fonti storiche e pratica contemporanea” cun Marco Lutzu. Semper custu sero ma in su Tzentru de Documentatzione de sa Sartìllia un’atopu cun unos cantos protagonistas de sa memòria istòrica de su torneu ecuestre pro “Raccontando la Sartiglia. Storia e storie di Sartiglia”. Cras, imbetzes, su Global Movement to Gaza de Aristanis paris cun s’assòtziu D’AltraParte aberint sa mustra fotogràfica “Mai più è adesso” de su fotògrafu palestinesu Hossam Anwar. Cras sero in su Campu Tharros at a èssere protagonista s’isport pro sa finale de Coppa Italia Regionale di Eccellenza: in campu Igrèsias e Tèmpiu. In ùrtimu, domìniga sero pro sa rassigna de Cedac in su teatru Garau b’at a èssere s’ispetàculu “Sissi l’imperatrice” cun testu e regia de Roberto Cavosi.

In su teatru Grazia Deledda de Paulle cras sero b’at a èssere s’ispetàculu nou de Luca Tramatzu, “Buginu”.

Coa de chida dedicada a sas traditziones in sas biddas de su Consòrtziu Due Giare: in Ollasta – Albagiara cras a merie si faghent sas ùrtimas festas pro Santu Sebastianu e poi cras e domìniga in Gonnonò si festat su santu de s’arantzu.

Cras a merie Su Magasiu de Akraxiu de Terraba òspitat su primu eventu de s’assòtziu Amistàdi: sa presentada de su libru “La vite ritrovata” de Tonino Arcadu.

In ùrtimu, in sos locales de sa biblioteca betza de Abbasanta sàbadu sero Beniaminu Zuncheddu at a presentare su libru “Io sono innocente”. Cun issu, Antoni Nàtziu Garau.

Gianfranca Piras

Faina fata cun s’agiudu de sa Regione Sardigna – IMPRENTAS 2025-2026 – L.R. 22/2018, art. 22.