Novas Aristanesas, lunis 16 de nadale de su 2024

Pastorale giovanile – Dae su 9 de santandria passadu sa Pastorale giovanile e vocatzionale de sa diòtzesi Abas –Terraba tenet unu diretore nou: don Emmanuele Deidda, pàrracu de sa Catedrale de Abas. L’at nominadu s’Archipìscamu Roberto Carboni, chi dae luego l’at afiancadu un’iscuadra formada dae don Andrea Martis, don Daniele Porcu, don Mattia Porcu e dae su seminarista Andrea Scanu. Paris cun issu, fintzas sos àteros pàrracos e fintzas sos làicos Giulia Figus, Matteo Argiolas, Paola Usai, Marta Congiu, Chiara Argiolas e Niccolò Tomasi.

S’iscuadra noa de sa Pastorale si proponet gasi de agiudare a sos giòvanos in su caminu issoro de fide e de favorèssere s’intrada issoro in sa vida de sa Crèsia. “Una de sas prioridades bessidas a campu est cussa de ascurtare su territòriu”, at naradu don Emmanuele a pustis de s’eletzione sua, “depimus ascurtare sas parròchias, sos oratòrios, sas realidades meda de sos assòtzios e cussos chi si òcupant de sos giòvanos”. Sa Pastorale giovanile e vocatzionale diotzesana, giai dae luego, at traballadu paris cun sa Consulta, chi acollet una rapresentàntzia de sos assòtzios de sos giòvanos de su territòriu.

Intre sos primos resurtados, otènnidos paris, ant organizadu cun resurtados bonos e partetzipatzione manna unu primu atòbiu de importu su 24 de santandria passadu, in ocasione de sa Die mundiale de sos giòvanos, in su Tzentru pastorale diotzesanu de Santu ‘Èngiu.

A su matessi tempus, in sa die de sa Purissima, mussegnore Roberto Carboni at istituidu su Servìtziu diotzesanu nou pro sa Pastorale giovanile e vocatzionale, coordinadu dae mussegnore Alessandro Floris e dae don Marco Ruggiu. De su Servìtziu nde faghent parte puru suor Adelia Amorim Pereira, Sebastian Madau, su seminarista Matteo Lutzu, don Enrico Porcedda, don Daniele Quartu e Cristina Zou. Cun issos ant a traballare Annapaola Lasiu e Mauro Panico, de s’Ufìtziu diotzesanu de sa Pastorale familiare.

Antoni Nàtziu Garau

Faina fata cun s’agiudu de sa Regione Sardigna – IMPRENTAS 2023-2024 – L.R. 22/2018, art. 22.