Novas Aristanesas, giòbia 11 de trìulas de su 2024

Sa coa de chida in provìntzia de Aristanis – Est arribende una coa de chida noa rica de addòbios in provìntzia de Aristanis. Domìniga in Busache s’at a torrare a su connotu cun “Busache e sos colores suos” e sa de XXIII Rassignas regionale de su Folklore e su de XVI Carrasegare de istiu de sas màscaras traditzionales, de s’assòtziu Pro loco “Cunventu” e cuncordada cun s’agiudu de su Comune, de sa Fundatzione Sardigna e de sa Regione.

Si transit a pustis a Marmidda, in Aressa, cun sa rassigna “Archeo Festival 2024”, organizada dae “Il Crogiuolo”, Comune, Pro loco Sa Mèndua e su Tzentru de educatzione ambientale. Finas a sàbadu b’est su laboratòriu, chi non si pagat, de dantza “Las Muchissimas” e chenàbura sero s’ispetàculu “La voce del sentiero” de su Teatru S’Arza. Sa die a pustis, si sighit cun sa finale de su laboratòriu de dantza cun Carovana Smi e il Crogiuolo e domìniga sero cun “Che incredibile confusione”, prodùsidu dae Nero Teatro. Chenàbura sero imbetzes in su parcu comunale de Bobadri, b’est “Aspettando Santa Margherita” e a Gonnonò “Chistionis” cun su giornalista isportivu Darwin Pastorin.

Semper chenàbura sero ma in Aristanis b’est s’inauguratzione in su Teatru San Martino de sa mustra fotogràfica in contu de s’istòria de sa famìllia Spano, contes de Santu Martinu, organizada dae s’Assessoradu a sa Cultura de su Comune de Aristanis e dae sa Fundatzione Aristanis, cun s’Archìviu Istòricu comunale e s’Assessoradu a su Turismu, artesanadu e cummèrtziu de sa Regione.

Su sero a pustis in Silì, a dae in antis de sa crèsia de Santu Pedru, b’est “Raccontando Silì” a incuru de su comitadu de Santu Micheli. Apuntamentu in fines cun s’isport e sa solidariedade in tzitade cun “Rotary corre a Oristano” in programma pro sàbadu. In ùrtimu protagonista sa dantza in s’anfiteatru de Tharros in Santu Giuanne de Sinis, cun Roberto Bolle and Friends chenàbura sero, e su Dancing Histor(y)ies Festival Crabas, chenàbura e sàbadu. 

Antoni Nàtziu Garau

Faina fata cun s’agiudu de sa Regione Sardigna – IMPRENTAS 2023-2024 – L.R. 22/2018, art. 22.