Al San Martino, dal 30 novembre
Martedì, 24 novembre 2020
La farmacia dell’ospedale San Martino di Oristano resterà chiusa al pubblico nelle giornate di lunedì 30 novembre, martedì 1 e mercoledì 2 dicembre.
La chiusura è stata disposta per consentire agli operatori di effettuare le procedure di inventario e contabilizzazione delle giacenze.
Il servizio riprenderà regolarmente a partire da giovedì 3 dicembre.
Mercoledì, 17 aprile 2024
Duas rassignas literàrias in provìntzia de Aristanis - Cun s'arribu de s'istajone bella, is bibliotecas de sa provìntzia proponent addòbios meda cun autores chi presentant is fainas issoro, donende inditos e ideas pro sa leghidura de is òperas.
Sa Biblioteca comunale de Terraba proponet sa de duas editziones de sa rassigna literària "Beranu de autore", chi faeddat de is iscritores sardos. Cumentzada su 6 de abrile, at a sighire lunis 29 cun sa presentada de "Sa vida pistighingiada" de Micheli Pinna. Est un'istùdiu in contu de Salvatore Satta e de Sa die de su giudìtziu: intra de sa maia de is logos e sa cumplessidade de is cuscièntzias. In su mese de maju sunt in programma duos apuntamentos: lunis 6 cun Luciano Corona e "Su pipiu de ludu", mentras su 13 de maju Felice Soru at a presentare "Macarrones in valìgia". Totu is addòbios sunt in programma a is ses de merie, in sa Biblioteca comunale.
Su 23 de abrile in Mòguru at a cumentzare sa de duas rassignas literàrias "Pro Anna", dedicada a su regordu de sa bibliotecària Anna Melis. Su primu apuntamentu est cun Micheli Atzori e su libru suo "Die Asurida", una regorta de 25 contos autobiogràficos. Su 10 de maju protagonista at a èssere Tara Nicoletti cun "Su chi abarrat in fines est su colore biaitu", in contu de su torrare a agatare su sentidu de sa vida.
In su mese de maju si sighit martis 28 cun Davide Piras, chi at a presentare "Tifosos casteddajos pro semper - Gigi Riva Frùsia de tronu", un'òpera chi faeddat de s'istòria de is campiones de s'iscuadra sarda de fùbalu nàschidos foras dae s'Ìsula. Su 14 de làmpadas at a tocare a Vincenzo Ibba cun is òperas suas, chi movent dae is grogos a is thriller fintzas a is humor de fantasia: s'ant a presentare "Deo e is àteros e is àteros deo"; "Is giogos istrambos de sa sorte", "Chentu annos a pustis" e "Obligadu a ochìere".
Sa rassigna moguresa acabbat su 6 de cabudanni cun Claudia Zedda e is libros "Janas" e "Arretzetàriu de is Janas", pro iscobèrrere is contos antigos sardos e su connotu de sa coghina. Totu is addòbios sunt in programma a is 17.45, in sa Biblioteca comunale.
Antoni Nàtziu Garau
Faina fata cun s’agiudu de sa Regione Sardigna – IMPRENTAS 2023-2024 – L.R. 22/2018, art. 22.
